Jaise Nange Paon Urdu Sad Poetry 2020

جیسے ننگے پاؤں

پھٹے پرانے کپڑوں والے بچے

اپنی خالی جیبوں کا احساس لیے

دل کو اچھی لگنے والی مہنگی چیزیں

کسی دکان کے بند شیشوں سے

پہروں لگ کے تکتے ہیں نا

میں بھی تم کو یونہی میری جان

اکثر تکتا رہتا ہوں

Ghulab Aankhen Sharab Aankhen Urdu Loving POetry 2020 Romantic Urdu Shayari

گلاب آنکھیں شراب آنکھیں,

یہی تو ہیں لاجواب آنکھیں

انہیں میں الفت انہیں میں نفرت

سوال آنکھیں عذاب آنکھیں

کبھی نظر میں بلا کی شوخی

کبھی سراپا حجاب آنکھیں

کبھی چھپاتی ہیں راز دل کے

کبھی ہیں دل کی کتاب آنکھیں

کسی نے دیکھیں تو جھیل جیسی

کسی نے پائی شراب آنکھیں

وہ آئے تو لوگ مجھ سے بولے

حضور آنکھیں جناب آنکھیں

عجب تھا یہ گفتگو کا عالم

سوال کوئی جواب آنکھیں

یہ مست مست بے مثال آنکھیں

نشے سے ہر دم نڈھال آنکھیں

اٹھیں تو ہوش و حواس چھینیں

گریں تو کر دیں کمال آنکھیں

کوئی ہے انکے کراہ کا طالب

کسی کا شوق وصال آنکھیں

نہ یوں جلیں نہ یوں ستائیں

کریں تو کچھ یہ خیال آنکھیں

ہیں جینے کا اک بہانہ یارو

یہ روح پرور جمال آنکھیں

درّاز پلکیں وصال آنکھیں

مصوری کا کمال آنکھیں

شراب رب نے حرام کر دی

مگر کیوں رکھی حلال آنکھیں

ہزاروں ان سے قتل ہوئے ہیں

خدا کے بندے سنبھال آنکھیں